सीतारमेश बहुमुखी क्याम्पस , बुद्धशान्ति - १ झापाको क्याम्पस प्राङ्गणमा आज २०८० फागुन १६ गते बुधबार सडक नाटक मञ्चन भएको छ । दाह्री ग्याङ् झपाको आयोजनामा परिवर्तन थिएटर काँकरभिट्टाका कलाकारहरुले अभिनय प्रस्तुत गरेको सो कार्यक्रम बिहान ७:३० बाट ९ः०० बजेसम्म सञ्चालन भएको थियो । लागु औषध दुर्व्यसन विरुद्धको सचेतना वृद्धिका लागि देखाइएको नाटकमा कलाकारहरूले जीवन्त अभिनय गरेका थिए । क्याम्पसका विद्यार्थीहरू मन्त्रमुग्ध भएर नाटकको रसास्वदन गरेका थिए । सडक नाटक मञ्चन कार्यक्रममा बुद्धशान्ति गा.पा उपाध्यक्ष श्री भवानीप्रसाद खतिवडा , प्रमुख प्रशासकीय अधिकृत , क्याम्पस सञ्चालक समितिका अध्यक्ष श्री जयप्रसाद भण्डारी लगायत नव निर्वाचित समितिका सदस्यहरुको सहभागिता रहेको थियो ।